Gay Pride-optog by Kovsies gehou

2012-09-28 08:33

Bloemfontein – Die organisasie Gay Flag of South Africa het die stad besoek as deel van sy landwye toer om sensitiwiteit teenoor homoseksuele en transgender-gemeenskappe aan te moedig.

OFM berig ‘n groep aktiviste het Donderdag ‘n Gay Pride-optog by die Universiteit van die Vrystaat se Bloemfontein-kampus gehou.

Dié groep het onlangs met die ANC in Kaapstad vergader waar die regerende party sy stem dik gemaak het teen alle misdade wat verbind word met homofobie.

Eugene Brockman, stigter van die organisasie, meen Bloemfonteiners het nog ‘n ver pad om te loop wat betref die aanvaarding van homoseksuele mense.

Dit kom nadat sowat 200 ondersteuners van gay- en lesbiese regte verlede maand aan 'n optog op die Noordwes-Universiteit se Potchefstroomkampus deelgeneem het.

Die optog was deur Pout – die homoseksuele studentevereniging op die kampus – gereël en was die eerste in sy soort in die provinsie.

Volg Nuus24 op Twitter