Gauteng-ongelukke eis sewe lewens
2013-01-10 10:07
Johannesburg – Paramedici sê sewe mense het Woensdagaand in drie aparte ongelukke in Gauteng gesterf.
Vanessa Jackson, 'n woordvoerder vir ER24, het in ‘n verklaring gesê twee mans is dood toe hul paneelwa op die N4 naby die Witfontein-afrit teen die agterkant van ‘n vragmotor gebots het. Albei voertuie het in die rigting van Pretoria gery.
‘n Passasier wat voor in die paneelwa gesit het, het op slag gesterf. Die bestuurder – wat sy bene gebreek en bors- gesig- en ander beserings opgedoen het – het later in die Steve Biko- akademiese hospitaal omgekom.
Drie ander mans in die voertuig is beseer, waarvan een kritieke beserings opgedoen het.
In ‘n aparte voorval het ‘n vrou op die N1 tussen die Malibongwe- en William Nicol-afdraaie gesterf toe die minibustaxi waarin sy was, omgeslaan het. Sy is uit die voertuig geslinger.
‘n Passasier en die bestuurder is beseer. Die oorsaak van die ongeluk is nie bekend nie.
In nog ‘n voorval is vier mense dood toe hul taxi – wat 17 mense vervoer het – ‘n boom op die R551 in De Deur, buite Meyerton, getref het.
Sommige insittendes, insluitend die oorledenes, is uit die voertuig geslinger.
‘n Afleweringsvoertuig was ook in die botsing betrokke.
Volg Nuus24 op Twitter
- SAPA
