Fred hoor later hoeveel staat moet betaal
2011-08-15 12:45
Kaapstad – 'n Nuwe verhoor om te besluit hoeveel geld die staat aan Fred van der Vyver moet betaal, sal na verwagting in 2012 begin.
Regter Anton Veldhuizen het Maandag in die Wes-Kaapse Hooggeregshof beslis dat die staat alle koste, insluitend dié wat aangegaan is vir kenners en advokate, moet betaal.
Van der Vyver het die minister van polisie vir sowat R46 miljoen gedagvaar vir kwaadwillige vervolging nadat hy in 2007 onskuldig bevind is aan moord op sy meisie, Inge Lotz, wat in 2005 in haar woonstel in Stellenbosch vermoor is.
Adv. Dup de Bruyn SC, vir Van der Vyver, het gesê dit was 'n ses jaar lange "oorlog", terwyl die trane oor sy wange gerol het.
Die van der Vyver-gesin het hande geklap en teen die trane geveg terwyl die uitspraak in hof 17 gelewer is.
– Volg Nuus24 op Twitter
- SAPA