Forensiese eenheid ondersoek St. Francisbaai

2012-11-12 14:18

Johannesburg – ‘n Brand het 76 huise in St. Francisbaai in die Oos-Kaap beskadig of vernietig, het die Kouga-munisipaliteit gesê, maar die oorsaak van die brand is nog nie amptelik bepaal nie.

“Die aantal huise wat verwoes of beskadig is deur gisteraand se brand, is op 76 gestel,” het Laura-Leigh Randall, ‘n woordvoerder, gesê.

“Die oorsaak van die brand is op die oomblik onbekend, maar die SAPD se forensiese eenheid sal ondersoek instel.”

Die munisipaliteit het vroeër geraam dat meer as 100 huise beskadig is. Nuusbronne het aanvanklik berig dat die brand by die Royal Wharf begin het, waar 'n groep mense gebraai het.

Volg Nuus24 op Twitter

- SAPA