Fiktiewe Malema-inskrywing op Facebook saai paniek
2010-03-23 14:46
Amy Johnson
Kaapstad - 'n Inskrywing wat op 'n Julius Malema-Facebook-blad gemaak is, het 'n herrie op dié blad ontketen. Die profiel van die persoon wat dit "geskryf" het, blyk egter fiktief te wees.
Aanhangers van dié blad is woedend oor dié boodskap en sommige dreig met teenaksie.
Die Malema-blad het Dinsdagmiddag 15 246 aanhangers gehad.
Die boodskap, deur 'n ene 'Thato Mbateti Mbateti ' geuiter is, lui:
"You white pigs. Malema is our leader. He will Zuma
within the next six weeks. Look ahead my fellow black people. We will
then take our land, and every tresspasser, namely white whores, we will
rape them and rape them till the last breath is out... White n–s we are
coming for you!!!!!!!!!!!!! Households will be broken into and families
wil be slaughtered."
Dit blyk egter dat Mbateti 'n fiktiewe karakter is, aangesien hy geen vriende of boodskappe op sy Facebook-blad het nie. Daar is ook geen inligting oor hom op dié sosiale netwerk beskikbaar nie.
Sedert dié haatboodskap op die Facebook-blad gepubliseer is, is die burgerregte-organisasie AfriForum met honderde e-posse oorval.
Ernst Roets, nasionale voorsitter van AfriForum Jeug, het gesê Malema se uitsprake van "Skiet die Boer" hits dié tipe boodskappe aan.
"Ons dink nie daar is al genoeg druk op Malema geplaas om op te hou met sy uitlatings nie. Ons wil hê die gewone man op straat moet betrokke raak en help om Malema se mond toe te maak."
Roets het gesê hulle het klagtes ontvang van mense wat erg bekommerd is en vra wat hulle kan doen asook mense wat baie kwaad is.
"Ons doen 'n beroep op mense om op 'n verantwoordelike wyse op dié tipe boodskappe te reageer en nie toe te laat dat dit hulle sielkundig aftakel nie."
AfriForum het verlede week 'n klag van haatspraak by die gelykheidshof teen Malema ingedien.
– Lees hier 'n lesersbrief oor dié Facebook-inskrywing, of stuur jou eie brief vir publikasie.
– Nuus24