Fidentia-baas moet verduidelik
2013-02-04 07:26
Johannesburg – Die saak van die voormalige Fidentia-baas Joseph Arthur Brown sal na verwagting Maandag in die Wes-Kaapse hooggeregshof voortduur.
Brown staan tereg op aanklagte dat hy 'n piramideskema bedryf het en beleggers se geld gebruik het om sy eie aankope te befonds. Hy staan tereg op vier aanklagte van bedrog, twee van korrupsie, twee van diefstal, en een van geldwassery.
Hy word ook daarvan beskuldig dat hy 'n belegging van R200 miljoen van die staatsbeheerde Transport, Education and Training Authority (Teta) bekom het deur die instansie se uitvoerende hoof, Piet Bothma, omkoopgeld van R6 miljoen te betaal.
Ongeveer R1 miljard van die maatskappy se Living Hands Umbrella Trust, wat geld aan weduwees en weeskinders van mynwerkers wat dood is, moes betaal, is ook weg.
Brown verteenwoordig homself, en het onskuldig gepleit op die aanklagte teen hom.
– Volg Nuus24 op Twitter.
- SAPA
