Familielid verkrag, vermoor meisie (2)

2012-04-15 07:13

Johannesburg – ‘n Tweejarige meisie is in Heinz Park in Philippi op die Kaapse vlakte na bewering deur 'n familielid verkrag en doodgeslaan.

Die polisie sê die kleuter is in die sorg van haar 12-jarige sussie gelaat terwyl hul ma 'n begrafnis bygewoon het, het RSG berig.

Die ma het later op die kleuter se lyk afgekom. Die lyk was in ‘n kombers toegedraai en onder haar oom se bed weggesteek.

Die polisie ondersoek ook die moontlikheid dat die oom probeer het om die 12-jarige meisie te verkrag. Sy het egter daarin geslaag om weg te kom.

Polisiebeamptes moes keer dat woedende lede van die gemeenskap die verdagte aanval.

Die radiostasie berig dat die verdagte intussen in hegtenis geneem is.

Volg Nuus24 op Twitter