Familielid se kop by man se huis gevind
2010-02-09 04:10
Johannesburg - 'n 30-jarige man is in hegtenis geneem ná die gekookte kop van 'n familielid in sy huis in die Noordwes gevind is.
Die familie van die 57-jarige Gopolang Elias Serache het hom Maandag by die Atamelang-polisiekantoor as vermis aangemeld.
"Die polisie het tydens die ondersoek na 'n 30-jarige familielid gegaan met wie hy laaste gesien is," het supt. Lesego Metsi, 'n polisiewoordvoerder, gesê.
Die man het toe gesê hy het sy familielid in 'n kruiwa na sy huis geneem waar hy sy liggaamsdele begin afsny en sy lewer en kop gekook het.
"Die man het vir die polisie geê hy het die familielid onder die instruksie van die voorvaders doodgemaak en gekook."
– Sapa