Familielede buite Griekwastad-hof

2012-09-03 10:20

Griekwastad – Uitspraak in die borgaansoek van 'n tienerseun wat van die moord op die Steenkamp-gesin verdink word, word Maandag verwag.

Die seun staan tereg vir die moord op Deon, Christel en Marthella Steenkamp op hul plaas buite Griekwastad in April vanjaar.

OFM berig gru-feite het tydens die borgaansoek na vore gekom. Dirk de Waal, ‘n ondersoekbeampte, het getuig dat daar verskeie bloedspatsels op die moordbeskuldigde en krapmerke aan sy nek was.

Daar is ook beslag gelê op 'n geskeurde T-hemp in sy slaapkamer, asook 'n bebloede hemp agter die polisiestasie.

De Waal het gevra dat die beskuldigde nie borgtog moet kry nie.

Die radiostasie het intussen berig familielede van die minderjarige moordbeskuldigde wag op die oomblik buite die hof vir die seun se borgtogverhoor om te begin.

Die seun sal vandag hoor of hy in polisie-aanhouding sal moet bly totdat die hofsaak na verwagting in Desember plaasvind.

Die staat het aangevoer dat die beskuldigde in aanhouding moet bly omdat hy ‘n gevaar vir die samelewing inhou.

OFM berig die seun se regspan het vroeër aangedui dat hulle sal appelleer indien borgtog nie toegestaan word nie.

Volg Nuus24 op Twitter