'Facebook-verkragter' binnekort gevonnis
2011-10-13 09:04
Johannesburg – Die sogenaamde Facebook-verkragter sal na verwagting Vrydag gevonnis word nadat hy skuldig gepleit het op vier aanklagte teen hom.
Thomas Bester het Woensdag in die Durbanse landdroshof erken dat hy twee vroue verkrag en beroof het.
Hy is verlede week ná 'n landswye soektog in Alberton in hegtenis geneem.
Bester het in sy verklaring gesê sy bedoeling was slegs om die twee slagoffers te beroof, maar hy het hulle toe verkrag ook.
Sy betrokkenheid by talle ander sake, insluitend moord, word ondersoek.
Die nasionale vervolgingsgesag het gesê Bester sal vir die ander sake vervolg word terwyl hy sy vonnis uitdien.
Bester het sy slagoffers op Facebook genader en hom as 'n modelagent voorgedoen. Hy het dan sy slagoffers na ander stede gelok voor hy hulle aangeval het.
– Lees meer hier
– Volg Nuus24 op Twitter