'Eskom spioeneer op ons'
2013-02-13 15:45
Johannesburg – Die kragreus Eskom spioeneer op aktiwiteite van omgewingsdrukgroepe, het Earthlife Africa en Greenpeace Woensdag gesê.
"Die spioenasie is herinner aan die apartheidsregering se taktiek," Tristen Taylor, Earthlife Africa-direkteur, in Johannesburg gesê.
"Ons soek 'n verskoning van Eskom, nie net aan ons nie, maar aan die hele land. Dit is onwettig."
Taylor en verteenwoordigers van Greenpeace het joernaliste vertel van hul planne om hulle aan Eskom se nieregeringsorganisasie (NRO)-forum te onttrek.
Die groepe besluit nog of hulle klagtes teen Eskom wil indien.
Michael Onyeka, direkteur van Greenpeace Afrika, het gesê Eskom het nie die beweerde spioenasie ontken nie.
"Dit gebeur ook in verskeie gemeenskappe waar Eskom bedrywig is, insluitend rondom die Medupi-kragstasie, Lephalale en ander gebiede."
Die organisasie wou nie sê hoe die spioenasie gedoen word nie.
Taylor het gesê Eskom voel bedreig deur die organisasie se standpunt vir die produksie van skoon krag.
Hilary Joffe, woordvoerder van Eskom, het gesê Eskom het sy kontrak met wartberg Intelligence Support beëindig.
"Nadat dit intern bevestig is dat die maatskappy by Medupi aangestel is, en dat hulle inligting moes insamel, het Eskom se hoof- uitvoerende beampte, Brian Dames, onmiddellik beveel dat die maatskappy se dienste beëindig moet word."
Dames het gesê: "Die gedrag is onaanvaarbaar en nie in ooreenstemming met ons waardes as 'n maatskappy nie."
Joffe het gesê Eskom het intussen 'n ondersoek begin om vas te stel of enige wette oortree is en om te verseker dat soortgelyke dienste nie gebruik word nie.
– Volg Nuus24 op Twitter
- SAPA
