Elf motoriste vas wat jaag in Midrand

2012-11-26 06:54

Johannesburg – Altesaam elf motoriste is Sondag op die N1 naby Midrand vir spoed vasgetrek, het die Johannesburgse metropolisie gesê.

Polisiewoordvoerder Wayne Minnaar het gesê 'n Audi S3 is afgetrek nadat dit teen 'n spoed van 212 km/h gejaag het.

Die motor het geen nommerplate gehad nie.

Nóg 'n Audi-bestuurder is in hegtenis geneem nadat die polisie ontdek het dat hy vals nommerplate vir sy motor gebruik.

Die man, in sy laat sestigs, kon nie verduidelik hoe hy die nommerplate gekry het nie, het Minnaar gesê.

Al die motoriste wat in hegtenis geneem is sal binnekort in die hof in Randburg op aanklagte van nalatige en roekelose bestuur verskyn.

Volg Nuus24 op Twitter.

- SAPA