'Ek voel niks vir Oscar' – Reeva se broer
2013-02-20 18:06
Johannesburg – Dit gaan tyd vat vir Reeva Steenkamp se familie om haar dood te verwerk, het haar broer, Adam, Woensdag aan SABC gesê
"Die familie begin nou om alles beter te hanteer nou dat ons my suster gegroet het," het Steenkamp buite die gesin se huis in Port Elizabeth gesê.
Suid-Afrika se ster-atleet Oscar Pistorius word daarvan beskuldig dat hy Reeva Steenkamp op Valentynsdag by sy huis in Pretoria doodgeskiet het.
In 'n beëdigde verklaring wat Dinsdag aan die landdroshof in Pretoria voorgelees is, het Pistorius gesê Steenkamp is deur die geslote deur van 'n badkamer geskiet, waar hy gedink het 'n inbreker skuil.
Steenkamp is Dindag tydens 'n privaatseremonie in Port Elizabeth veras.
Adam Steenkamp het aan die nasionale uitsaaier gesê sy familie hou hul ore gespits om die waarheid rakende haar dood uit te vind, maar dat hulle nie "honger rondsit" om die nuus en koerante dop te hou nie.
Adam het gesê hy het "geen gevoelens" teenoor Pistorius nie.
"Ek ken die ou nie."
Volg Nuus24 op Twitter.
- SAPA
