'Ek moes nie emosioneel ineengestort het nie'
2012-05-24 17:00
Fotogalery - Zuma-skildery: Saak vandag aangehoor
klik op klein foto bo om groter prentjie te sien
Johannesburg – President Jacob Zuma se advokaat, Gcina Malindi, sê sy emosionele ineenstorting in die hof “moes nie gebeur het nie”, berig City Press.
“Ek is ‘n advokaat en ek werk onder etiese reëls dat ons nie kommentaar lewer oor ‘n saak waarby ons betrokke is nie,” het hy gesê.
“Maar jy kan sê ek het ineengestort. As ‘n voormalige aktivis het dit al daardie kwessies teruggebring. Dit is hoekom ek oorweldig is.”
Malindi verteenwoordig Zuma, die ANC en Zuma se kinders in hul dringende aansoek teen die Goodman-galery, City Press en die kunstenaar Brett Murray om die skildery, The Spear, onwettig te laat verklaar.
Hy het emosioneel ineengestort ná ‘n veeleisende reeks vrae deur Regter Neels Claassen oor die rasse-aard van die saak.
“As ‘n advokaat is ek veronderstel om beheer oor my emosies te hê en dit is jammer dat dit gebeur het,” het Malindi gesê nadat die saak uitgestel is.
Lees meer by City Press.
