'Ek is melaats' – Malema

2013-01-13 10:33

Johannesburg – Julius Malema, geskorste leier van die regerende party se jeugliga, sê sy vriende het hom in die steek gelaat en niemand antwoord sy oproepe nie.

City Press berig die omstrede politikus word deur bankrotskap in die gesig gestaar, terwyl sy vriende en bondgenote hom verlaat het.

Malema het in ‘n eksklusiewe onderhoud met die koerant op sy plaas buite Polokwane, Limpopo, gesê mense wat hy eens as vriende of vennote beskou het, behandel hom nou soos ‘n melaatse man.

“Ek het baie vriende verloor. Ek is ‘n mens wat glo dat diegene wat jou in moeilike tye los, in die eerste plek nie daar was vir jou nie...” het hy gesê.

Lees meer hier

Volg Nuus24 op Twitter