Ek het nie Malema se reis betaal – minister
2012-08-03 13:13
Johannesburg – Fikile Mbalula, minister van sport, ontken dat hy vir Julius Malema, geskorste leier van die ANC se jeugliga, se rekeninge in Londen opgedok het.
“Dié berigte is ongegrond...” het Mbalula aan verslaggewers in Johannesburg gesê.
“Dit is kwaadwillig en net gerugte...”
Mbalula sê hy was in Londen op ‘n amptelike besoek as die minister van sport en om Suid-Afrika se span by die Olimpiese Spele te lei.
“Daar was geen geheime oor wat ons in Londen gedoen het nie. Ek het alles in Londen gedoen wat ek veronderstel was om te doen,” het hy gesê.
Gerugte het vroeër die ronde gedoen dat die regering vir Malema se besoek deur sy assosiasie met Mbalula betaal het.
“Ek het ‘n eed afgelê. Ek is nie korrup nie. In teenstelling met Jackie Selebi, is hierdie hande skoon. Ek het nie vir Julius betaal nie,” het Mbalula Vrydag gesê.
Mbalula het nie ontken dat hy Malema gesien het terwyl hy in Londen was nie.
“Ek vergader elke dag hier in Suid-Afrika met Julius; hoekom moet Londen ‘n uitsondering wees?”
Net omdat Malema nie meer ‘n lid van die ANC is nie, is daar geen rede om nie ‘n persoonlike verhouding met hom te hê nie, het Mbalula gesê.
Volg Nuus24 op Twitter
- SAPA
