Eise stroom in ná St. Francisbaai-brand

2012-11-13 07:00

Kaapstad – Alexander Forbes het reeds eise van nagenoeg R30 miljoen ontvang van inwoners van St.Francisbaai wat deur 'n verwoestende brand geraak is, berig Eyewitness News.

Altesaam 76 huise is Sondagaand verwoes nadat 'n brand in die gebied uitgebreek het.

Twee brandbestryders het ligte beserings opgedoen en is Maandag uit die hospitaal ontslaan.

Colin Mchunu, woordvoerder van Alexander Forbes, het gesê die eise stroom in.

"Die eise stroom in sedert vanoggend [Maandag]. Ons beraming is sowat R30 miljoen in skade van slegs die totale verlies van huishoudelike inhoud."

Opruimingsoperasies in St. Francisbaai in die Oos-Kaap het Maandag begin, het die Kouga-munisipaliteit gesê.

– Lees meer hier

– Volg Nuus24 op Twitter