Een sterf, vier beseer in N2-kettingbotsing
2011-03-05 23:00
Durban - 'n Man is dood en vier mense is beseer in 'n kettingbotsing op die N2-snelweg in Mt. Edgecombe, KwaZulu-Natal, het paramedici Saterdag gesê.
'n Paramedikus vir Netcare911, Chris Botha, het gesê 'n Volkswagen Jetta wat deur 'n sportnutsvoertuig (SUV) gesleep is, het omstreeks 11:30 beheer verloor en 'n kettingbotsing veroorsaak.
Die SUV het omgeslaan en die bestuurder wat in sy veertigs was, het in die ongeluk gesterf.
Nog vier mense, waarvan twee ernstig beseer is, is vir behandeling na die hospitaal geneem.
Volg Nuus24 op Twitter.
- SAPA