Een sterf in Vrystaat-ongeluk
2010-04-23 00:24
Johannesburg – Een persoon is dood en agt beseer toe ‘n bakkie Donderdag in die Vrystaat omgeslaan het, het paramedici gesê.
Volgens Chris Botha, Netcare 911-woordvoerder, was daar heelwat mense agter op die bakkie toe die bestuurder beheer oor die voertuig verloor en van die pad gery het.
Die bakkie het verskeie kere gerol voordat dit langs die pad tot stilstand gekom het.
Die ongeluk het sowat 15km buite Theunissen plaasgevind.
Volgens Botha was die oorledene die enigste een wat ‘n sitplekgordel aangehad het.
Drie mense is in ‘n kritieke toestand en vyf ander is ernstig beseer. Die beseerdes is na ‘n provinsiale hospitaal in Welkom geneem vir verdere behandeling.
-Sapa