Een sterf, 18 beseer in taxi-ongelukke
2012-01-21 20:00
Johannesburg – Een persoon is dood en 18 mense is beseer in twee aparte ongelukke waarby taxi’s in die Oos-Kaap betrokke was, het Arrive Alive Saterdag gesê.
Die eerste ongeluk het Saterdagoggend om 06:00 op die N1 tussen Peterson en Ncanaha plaasgevind. Een persoon is in die ongeluk dood en 13 mense is beseer, het woordvoerder Tshepo Machaea gesê.
Volgens Machaea word daar vermoed dat spoed en moegheid moontlik die oorsaak kan wees dat die Quantum-taxi beheer verloor en omgeslaan het.
Die tweede ongeluk het omstreeks 09:00 plaasgevind en vyf mense is ernstig beseer toe die bestuurder van die taxi naby Elliot beheer oor die voertuig verloor het.
“Hulle was op pad van Kaapstad na ‘n begrafnis van ‘n drie maande oue baba in Mount Frere,” het Machaea gesê.
Die taxi het ‘n sleepwa getrek waarin die lyk in ‘n kis was. ‘n Nuwe kis is ná die ongeluk gereël, het hy gesê.
“Beide ongelukke maak mens bekommerd oor vaakheid en spoed onder bestuurders. Ons sal die oorsaak van beide ongelukke ondersoek.”
– Volg Nuus24 op Twitter
- SAPA