Een dood, talle beseer in Midrand-ongeluk

2012-09-02 07:32

Johannesburg – Een persoon is dood en talle ander beseer ná 'n ongeluk op die N1 naby die Allandale-afrit in Midrand, het die Gautengse paramedici Sondag gesê.

"'n Voertuig het in die regterkantste baan gebreek waarna 'n tweede voertuig gestop het om te help. Dit is onbekend wat volgende gebeur het, maar verskeie motors was daarna in 'n ongeluk betrokke," het Andre Visser, woordvoerder van ER24, gesê.

Die ongeluk het Saterdag kort voor middernag gebeur.

Met die paramedici se aankoms op die toneel was een man reeds dood. 'n Vrou was in 'n voertuig vasgekeer en het vermoedelik kop-, nek- en rugbeserings opgedoen.

Die vrou is met behulp van 'n helikopter na die Charlotte Maxeke - akademiese hospitaal in Johannesburg vir verdere behandeling geneem.

Verskeie ander mense is op die toneel vir ligte beserings behandel voordat hulle na hospitale geneem is.

– Volg Nuus24 op Twitter.

- SAPA