E-tolstelsel nie vanjaar ingestel

2012-11-23 08:15

Kaapstad – E-tol gaan beslis nié meer voor Kersfees ingestel word nie. Dit gaan eers ná 10 Februarie in die parlement bespreek word, berig Beeld.

Opposisiepartye het op grond van tegniese punte daarin geslaag om te keer dat die wetsontwerp gister in die Nasionale Vergadering aanvaar word. Dit is toe aan die besprekingslys onttrek.

Dit beteken dat die e-tolstelsel nou nie meer voor Kersfees ingestel kan word nie.

Gister was die laaste dag van die jaar waarop dié wetsontwerp aanvaar kon word.

Die wet sal nou waarskynlik eers ná 10 Februarie in die parlement behandel kan word.

Ian Ollis, DA-LP en -woordvoerder oor vervoer, het gesê die vertraging is ’n reuse-oorwinning vir die opposisiepartye en die publiek.

“Die DA glo steeds dat e-tol geskrap moet word en dat ander finansieringsmodelle gevind moet word om vir die nuwe paaie te betaal.”
 
– Volg Nuus24 op Twitter