E-tol: Publiek hoor binnekort oor tolgeld

2012-09-20 13:17

Johannesburg – Die departement van vervoer sal Donderdag se uitspraak oor die e-tolstelsel bespreek voordat hy meer oor die kwessie bekendmaak, het George Mahlalala, direkteur-generaal van die departement, gesê.

Op die vraag oor wanneer die publiek tolgeld op Gauteng se paaie gaan moet begin betaal, het hy gesê: “Ons sal terugkom na hulle”.

Die grondwethof het Donderdag beslis dat die hooggeregshof in Pretoria nie die magsverskille tussen howe en die bestuur oorweeg het toe ‘n tydelike interdik om die e-tolstelsel te hersien, toegestaan is en dit gevolglik op ys geplaas is nie.

Regter Bill Prinsloo het op 28 April in die hooggeregshof in Pretoria die Opposition to Urban Tolling Alliance (Outa) se aansoek om ’n dringende interdik teen die implementering van die e-tolstelsel toegestaan.

Die Suid-Afrikaanse Nasionale Padagentskap (Sanral) en die nasionale tesourie het dié interdik teengestaan.

Die uitspraak beteken in praktyk dat Sanral van Vrydag af tolgeld mag hef op Gautengse snelweë. Dit is egter onwaarskynlik dat tolgeld só gou gehef sal word. 

– Volg Nuus24 op Twitter
 

- SAPA