E-tol: Outa besluit oor pad vorentoe

2013-01-07 11:35

Johannesburg – Die Bondgenootskap teen Stedelike Tol (Outa) sal Maandag besluit of hy voortgaan met sy regstryd teen die omstrede e-tolstelsel.

RSG berig ‘n regskenner het verlede maand gesê dat dit moontlik is om teen die besluit van Pretoria se hooggeregshof te appelleer.

Outa het hom tot die hof gewend in 'n poging om te keer dat die regering die e-tolstelsel implementeer.

Die hof het egter die aansoek om die e-tolstelsel te hersien, van die hand gewys.

Die Suid-Afrikaanse Nasionale Padagentskap (Sanral) en die regering het die hof se besluit verwelkom.

Volg Nuus24 op Twitter