Dwelms in papboks in bagasie weggesteek

2011-09-23 19:00

Johannesburg – ‘n Vrou is op die Kaapstadse lughawe met 3 kg se kokaïne met ‘n geraamde straatwaarde van R800 000 betrap.

The Star berig die dwelms was in babapoeierbottels van die handelsmerk Johnson’s in haar bagasie weggesteek. Die poeierbottels het in ‘n Kellogg’s papboks gelê.

Volgens die koerant is die 32-jarige vrou van Soweto vroeg Donderdagoggend by die lughawe vasgetrek nadat die polisie haar gestop het.

Kapt. Frederick van Wyk, woordvoerder vir die Wes-Kaapse polisie, sê die vrou het verdag opgetree en baie angstig gelyk.

Lees meer hier.

Volg Nuus24 op Twitter.