Dwelmmuil sê sy was 'lokmiddel'
2012-02-08 13:10
Grahamstad – Die vermeende dwelmmuil Nolubabalo Nobanda, wat in Thailand vir die besit van kokaïen aangekeer is, het vanuit ‘n tronk in Bangkok ‘n brief aan haar ouers geskryf.
Mail & Guardian berig Nobanda het belangrike inligting onthul oor hoe sy in Thailand beland het. Sy het ook beweer dat sy as ‘n “lokmiddel” deur ‘n Brasiliaanse dwelmsindikaat gebruik is.
Nobanda is in Desember 2011 by Bangkok se Suvarnabhumi-lughawe in hegtenis geneem nadat die polisie kokaïen met ‘n straatwaarde van R1,2 miljoen in haar besit gevind het.
Sy het aan die owerhede erken dat sy die dwelms gesmokkel het. Sy het gesê sy is gehuur om die kokaïen vir ‘n klant by ‘n hotel in Bangkok af te lewer.
In die brief het Nobanda gesê sy is positief oor haar formele hofverskyning op 19 Maart aangesien sy net daarvan aangekla word dat sy 600 g se kokaïen probeer smokkel het.
Daar is vroeër berig dat sy vir die besit van 1,5 kg se kokaïen aangekla sou word.
Lees meer hier
Volg Nuus24 op Twitter