Dwaalkoeël tref kleuter skrams
2011-07-12 18:24
Johannesburg – ‘n Kleuter is skrams teen haar voorkop getref deur ‘n dwaalkoeël tydens ‘n skietery en vermeende misdadigers in Kagiso, het die Gautengse polisie Dinsdag gesê.
Volgens ao. Solomon Sibiya het die polisie die gebied gepatrolleer toe hulle omstreeks 02:00 twee mans voorgekeer het.
‘n Heen-en-weer-skietery het gevolg nadat die mans op die polisie begin skiet het.
Volgens Sibiya het een van die koeëls wat deur die mans geskiet is, deur ‘n sinkhuis waar ‘n vrou en haar vierjarige meisie geslaap het, geklap.
Die koeël het die kleuter se wolmus getref en haar voorkop skrams getref.
Die mans het gevlug. Die polisie het nog niemand in hegtenis geneem nie.
- Volg Nuus24 op Twitter
- SAPA