Durban-egpaar in hof vir mensehandel
2013-01-22 08:20
Johannesburg – 'n Dokter en sy vrou wat van mensehandel aangekla word en daarvan beskuldig word dat hulle 'n bordeel bestuur, sal Dinsdag in die Durbanse streekhof verskyn.
Die egpaar en drie mans het Maandag onskuldig gepleit op die aanklagte teen hulle.
Die verdagtes word deur 156 aanklagte in die gesig gestaar, insluitend aanranding, verkragting en die seksuele uitbuiting van 'n kind.
Hulle het na bewering 'n bordeel in Durban bedryf waar kinders so jonk as 12 jaar aangehou is.
Nonduzo Dlamini (23), Bhabha Dubazini (29) en Sandile Zweni is in Februarie verlede jaar saam met 'n vierde verdagte in hegtenis geneem.
Dít kom nadat die polisie 24 meisies uit 'n gebou in Durban se Point-gebied gered het.
– Volg Nuus24 op Twitter.
- SAPA
