Duisende wapens in Vereeniging vernietig
2013-02-05 15:23
Video - Polisie-klopjag by Marikana
'n Video van polisiebeamptes wat werkers by die Marikana-myn met traangas uitmekaar jaag nadat hulle beslag gelê het op tradisionele wapens.
KYK
Vereeniging – Die polisie in Gauteng het Dinsdag duisende wapens by ArcelorMittal se staalaanleg in Vereeniging vernietig.
Volgens genl.maj. Phumzo Gela, adjunk- provinsiale polisiekommissaris, is 3 364 vuurwapens en sowat 1 000 messe gesmelt.
"Die vernietiging van (die) vuurwapens beteken baie lewens sal gered word,” het hy gesê.
Hy sê van die wapens kom van polisieklopjagte. Ander was gebruik om misdade te pleeg, maar die sake wat met hulle verband hou is almal afgehandel.
Sodra beslag gelê word op wapens word hulle vir ballistiese analise en ander prosesse gestuur voordat hulle vernietig word.
Die wapens was in groot sakke en het gewere, pistole, messe, swaarde en byle ingesluit.
Gela sê verbeterde, sigbare polisiëring het ‘n merkwaardige impak op gebiede soos Muldersdrift en Benoni.
Hy het gemeenskappe bedank vir wenke aan die polisie en het hulle aangemoedig om voort te gaan met hul samewerking.
– Volg Nuus24 op Twitter
- SAPA
