Dronkbestuur-sake oor asemtoetser uitgestel
2011-06-12 19:06
Johannesburg – Alle hofsake waar bewyse deur die Dräger-asemtoetser bekom is, is tydelik teruggetrek, het die Nasionale Vervolgingsgesag (NVG) Sondag gesê.
"Die NVG gaan alle sake waar die bewyse deur die Dräger bekom is, terugtrek of uitstel hangende 'n uitspraak deur die Wes-Kaapse hooggeregshof," het Mthunzi Mhaga, woordvoerder van die NVG, gesê.
"Dié beslissing sal 'n presedent skep. Ons is vol vertroue dat die NVG 'n sterk saak in die guns van die Dräger het," het hy gesê.
Clifford Joseph-Hendricks betwis die geldigheid en akkuraatheid van die Dräger-asemtoetser wat verlede jaar tydens sy inhegtenisneming gebruik is.
Joseph-Hendricks se asem-alkoholvlak het 0,95 mg per 1 000 mF gemeet. Die wettige perk is 0,24 mg per 1 000 mF.
'n Durbanse man is vandeesweek vrygespreek op aanklag van dronkbestuur ná sy regsverteenwoordiger die wet rondom die gebruik van die toestel bevraagteken het, het die Sunday Times berig.
Volg Nuus24 op Twitter
- SAPA