Dronkbestuur: ANC-segsman pleit skuldig
2010-03-24 14:16
Kaapstad - Jackson Mthembu, ANC-woordvoerder, het skuldig gepleit op aanklag van dronkbestuur in die Wynberg-landdroshof in Kaapstad, berig Times Live.
Jackson en staatsaanklaers het ooreengekom dat hy 'n boete van R12 000 sal betaal vir dronkbestuur waarvan R6000 opgeskort is vir vyf jaar. Hy moet ook 'n verdere R500 boete betaal omdat hy in die BMT-buslaan gery het en sy rybewys is opgeskort.
Mthembu is op 11 Maart in Kaapstad in hegtenis geneem ná hy afgetrek is omdat hy in die BMT-buslaan gery het. Sy bloedalkoholvlak was 0,87 mg/100 ml – amper vier keer die wettige perk van 0,24 mg/100 ml.
– Nuus24