Dronk bestuurders maak paaie 'slagvelde'

2013-01-03 09:22

Johannesburg – Meer as 2 100 motoriste is sedert 1 Desember in hegtenis geneem terwyl hulle onder die invloed van drank bestuur het, het die departement van vervoer gesê.

“Hierdie kan nie normaal wees nie... [tussen] 1 Desember en vandag is meer as 2 100 vir dronkbestuur vasgetrek,” het Tiyani Rikhotso, ‘n woordvoerder, gesê.

“Families en die ekonomie is steeds besig om te ly en te bloei aangesien ons mannekrag verloor wanneer mense in ongelukke sterf. Die departement is bekommerd omdat ons aanhou om ‘n onnodige verlies aan lewens te sien.”

Rikhotso sê die departement moet mense wat dikwels padreëls oortree, van die paaie verwyder.

Hy meen dié oortreders is “besig om ons paaie in slagvelde te verander.”

Volg Nuus24 op Twitter  

- SAPA