Dronk bestuurder sê hy's min se seun
2009-11-08 16:08
Johannesburg - 'n 22-jarige man, wat beweer hy is die seun van minister Angie Motshekga, is Sondag vir dronkbestuur in hegtenis geneem.
Die jong man is Sondagoggend in Leondale deur die Ekurhuleni metropolisie vasgetrek ná hy ses passasiers in 'n grys VW Polo vervoer het.
Toe die polisie hom met die oorlaaide motor aftrek, het hy geweier om saam te werk, het 'n woordvoerder vir die departement, Mveli Nhlapo, gesê.
Die jong man het beweer hy is die seun van die minister van basiese onderwys, en wou nie sy persoonlike besonderhede aan polisiebeamptes verskaf nie.
Die polisie het besef hy is dronk en die man op die toneel in hegtenis geneem.
Een van sy vriende het gesê hy kan nie alleen in hegtenis geneem word nie en het daarop aangedring dat hy ook in hegtenis geneem word. Die 24-jarige man is voorts in hegtenis geneem om grond daarvan dat hy met die polisie se taak ingemeng het.
Die twee sal na verwagting Maandag in Alberton se landdroshof verskyn.
- Sapa