'Dronk' Cope-lid voor tugverhoor

2012-07-28 10:15

Johannesburg – Dirk Feldman, die Cope-lid wat amok op 'n vlug na Indië gemaak het terwyl hy onder die invloed van drank was, sal voor 'n veelparty-tugverhoor verskyn, het die Saturdag Star berig.

Dié koerant berig dat die parlement die aangeleentheid na die Nasionale Raad van Provinsies verwys het.

Die raad het gesê dit was reeds met Cope in verbinding oor die tugverhoor.

Feldman het Indië vroeër die maand as lid van 'n parlementêre afvaardiging besoek toe hy na bewering probeer het om die deur van ‘n nooduitgang op ‘n vlug oop te maak, terwyl hy vermoedelik onder die invloed van drank was.

Feldman het gesê hy sal sy volle samewerking met die ondersoek gee.

Cope se hoofsweep, Dennis Bloem, het gesê Feldman het sy kant van die saak aan die party gestel. Die party wag nou op 'n verslag van die raad se voorsitter, Mninwa Mahlangu.

Volg Nuus24 op Twitter.

- SAPA