Drie vermeende stropers vasgetrek

2013-02-07 18:00

Johannesburg – Drie vermeende renosterstropers is by die Nwanedi-wildreservaat in Tshamatumbu in hegtenis geneem, het die polisie in Limpopo Donderdag gesê.

Kol. Ronel Otto sê wildbewaarders het Dinsdag gesien hoe hulle met ‘n jaggeweer rondstap.

“Toe die bewaarders die verdagtes konfronteer is daar op hulle geskiet. Die wildbewaarders het teruggeskiet en een van die verdagtes is in die been geskiet,” het Otto gesê.

Die mans het gevlug, maar is later by hul huise in die Mosodi- informele nedersetting in hegtenis geneem. Die polisie het beslag gelê op ‘n ongelisensieerde 303 jaggeweer.

– Volg Nuus24 op Twitter

- SAPA