Drie verbrand in ongeluk
2009-08-14 10:27
Johannesburg – Drie mense het Vrydagoggend dood gebrand tydens ‘n gru ongeluk tussen drie motors en vragmotor, op die N1-suid naby Allandaleweg.
Volgens Edna Mamonyane, ‘n polisiewoordvoerder, het ‘n swart BMW in ‘n wit Honda vasgery en toe ‘n VW-Golf getref soos hy van die toneel probeer vlug het.
“Konstruksie werkers was naby die ongeluk besig om aan die snelweg te werk. Daar was ‘n vragmotor agter hulle geparkeer om hulle teen die verkeer te beskerm. Tydens die ongeluk tussen die BMW en die Honda, het die Honda hierdie vragmotor getref”, het Mamonyane gesê.
Die bestuurder van die BMW op hierdie stadium sy spoed versnel om weg te ry, maar het ‘n entjie verder in ‘n VW-Golf vasgery.
Die golf het aan die brand geslaan en die drie mense wat in die motor was het doodgebrand.
Die bestuurder van die BMW het luidens berigte sy motor verlaat en is ‘n rukkie later langs die snelweg deur polisie opgelaai. Hy is na die Sunnyside polisiestasie geneem vir ondervraging.
Die ongeluk het die verkeer op die N1 tot ‘n stilstand gebring en Mamonyane het motoriste gevra om geduldig te wees terwyl die ongelukstoneel opgeruim word.
- SAPA