Drie vas vir moord in Mankweng

2012-12-29 15:02

Johannesburg – Drie mans is Vrydag in hegtenis geneem nadat hulle glo 'n winkeleienaar in die Nobody-omgewing, Mankweng vermoor het, het die Limpopo-polisie gesê.

Die polisie het op 'n wenk gereageer en die mans, tussen die ouderdomme van 20 en 30, by hul huise aangekeer, het konst. Moses Molepo gesê.

Die oorledene se selfoon is in een van die verdagtes se besit gevind.

Hossain Kamrul (38) is op 21 Desember vermoor terwyl hy in sy winkel geslaap het.

Die verdagtes het deur die dak toegang tot sy winkel verkry.

"Hulle het hom verskeie kere gesteek voordat hulle geld en sy selfoon gesteel het," het Molepo gesê.

Die mans sal binnekort in die Mankweng-landdroshof verskyn.

– Volg Nuus24 op Twitter.

- SAPA