Drie vas vir R450 000 se dagga
2010-04-06 08:44
Port Elizabeth – Drie mense is in hegtenis geneem nadat hulle met 450kg dagga gevang is. Hulle is by ‘n padblokkade in die Bityi-area van Mthatha vasgetrek.
Al drie die beskuldigdes, 19, 29 en 59, kom van Port Elizabeth af.
Hulle het in die rigting van PE gery toe hulle deur die padblokkade gestop is.
Die dagga is in nege sakke gevind en elke sak het omtrent 50kg geweeg.
Die straatwaarde van die dagga is na beraming R450 000.
– Sapa