Drie susters wreed aangeval, een vermoor
2010-02-14 15:36
Durban – Drie susters is na bewering naby Dozen Hoek aangeval deur ‘n onbekende man wat een van hulle doodgesteek en die ander een verkrag het.
“Die drie suters het geslaap [Saterdagaand] toe een van hulle besluit het om vars lug te gaan kry. ‘n Man met ‘n mes het haar oorrompel,” het supt. Vincent Mdunge gesê.
Die gewapende man het glo die vrou probeer aanval, maar sy het daarin geslaag om te ontsnap.
“Die tweede suster het gehoor iets gebeur en het buite gaan ondersoek instel. Die man het haar toe na bewering doodgesteek.”
Toe die derde meisie haar susters se noodkrete hoor het sy buitentoe gegaan om te kyk wat gaan aan en haar een suster dood gevind.
Die man het haar toe na bewering met ‘n mes gedreig voordat hy haar na ‘n treinspoort geneem en verkrag het.
Terwyl hy besig was om haar te verkrag het “iets hom gepla” en het hy die meisie na die huis geneem waar hy voortgegaan het om haar in die buite-toilet te verkrag.
Volgens Mdunge het die meisie uiteindelik daarin geslaag om te ontsnap en het sy die bure gaan roep.
Niemand is nog in verband met die voorval in hegtenis geneem nie en die polisie soek steeds die verdagte.
- Sapa