Drie sterf in gru-ongeluk in Kuruman

2012-08-26 07:36

Johannesburg – Twee mans en 'n vrou is dood in 'n ongeluk op die R31 in Kuruman in die Noord-Kaap, het paramedici gesê.

Vanessa Jackson, woordvoerder van ER24, gesê die bestuurder van 'n Opel Astra het probeer om 'n Ford Focus verby te steek, waarna hy van agter teen dié motor gebots het.

Die Ford Focus het toe 'n VW Polo getref, waarna die Astra trompop teen 'n Toyota Fortuner gebots het. Die ongeluk het omstreeks 01:00 plaasgevind.

Jackson het gesê weens die skade aan die Opel Astra is drie insittendes dood.

"Die twee mans in hul laat 20's en 'n vrou in haar vroeë 20's het erge beserings opgedoen en is dood verklaar."

Die insittendes van die ander drie voertuie het slegs ligte beserings opgedoen.

Die polisie ondersoek die ongeluk.

– Volg Nuus24 op Twitter

- SAPA