Drie sterf in Durban-kettingbotsing
2011-03-26 18:03
Kaapstad - Twee mense en 'n kind is Saterdag in 'n kettingbotsing in Durban dood, het 'n woordvoerdoer vir ER24-nooddienste gesê.
Drie motors, 'n minibus-taxi en 'n motorfiets was in die ongeluk op die Athlone-brug betrokke, het woordvoerder Werner Vermaak gesê.
Paramedici het die motorfietsryer, 'n 18-jarige meisie, op die toneel dood verklaar. Een van die motors het omgeslaan en die insittendes, 'n vrou en 'n vyfjarige kind, het aan hul beserings beswyk.
Die insittendes van die twee ander motors is na 'n hospitaal geneem. Niemand is in die minibus-taxi beseer nie.
Die oorsaak van die ongeluk is tans onduidelik.
Volg Nuus24 op Twitter.
- SAPA