Drie in hof oor seksnetwerk
2011-10-19 15:27
Kaapstad – Drie mans, waaronder twee polisiebeamptes, verskyn Donderdag op aanklagte van verkragting, statutêre verkragting en seksuele uitbuiting in die hof nadat 'n seksnetwerk in Nelspoort in die Karoo oopgevlek is.
"Ons kan nie en sal nie toelaat of duld dat ons lede in misdaad betrokke is nie," het lt. genl. Arno Lamoer, Wes-Kaapse polisiekommissaris, gesê.
Die verdagtes, wat tussen die ouderdomme van 23 en 33 is, is Dinsdag in hegtenis geneem, het kapt. Malcolm Pojie, polisiewoordvoerder, gesê.
Die mans het glo vier meisies tussen die ouderdomme van 14 en 18 tussen Januarie verlede jaar en April vanjaar verkrag en mishandel.
Die twee polisiemanne is by die Nelspoort-polisiekantoor gestasioneer.
Pojie het gesê die polisie glo nóg mense is betrokke en hulle sal binnekort in hegtenis geneem word.
'n Dissiplinêre ondersoek is aan die gang.
– Volg Nuus24 op Twitter
- SAPA