Drie in hof oor R1.3 milj. se sigarette
2010-07-13 13:31
Johannesburg – Twee mans en ‘n vrou sal na verwagting in Tzaneen in die landdroshof verskyn nadat hulle glo sowat R1.3 miljoen se sigarette in Suid-Afrika ingesmokkel het, het die polisie in Limpopo gesê.
“Hulle is vasgetrek nadat die polisie ‘n wenk ontvang het dat drie Iveco-voertuie met sowat 464 groot bokse sigarette gelaai is,” het lt. kol. Mohale Ramatseba, polisiewoordvoerder, gesê.
Slegs twee van die voertuie is afgetrek. Twee manlike bestuurders en ‘n vroulike passasier is in hegtenis geneem.
Die voertuie was glo vanaf Zimbabwe na Gauteng onderweg.
Volg Nuus24 op Twitter.
- SAPA