Drie in hof ná padwoede-aanval

2013-02-12 10:32

Johannesburg – Drie mans sal Dinsdag in die Middelburg-landdroshof verskyn ná 'n padwoede-aanval in die gebied, het die polisie in Mpumalanga gesê.

Die drie mans het hulle aan die polisie oorgegee en is elk op borgtog van R1 000 vrygelaat, het lt.kol. Leonard Hlathi, polisiewoordvoerder, gesê.

Ernest Hartzenberg (23), Mossie Moss (40) en Johnny van Eeden (22) staan tereg op aanklagte van aanranding en aanranding met die opset om ernstig te beseer.

Hulle het na bewering Saterdag passasiers in 'n taxi aangeval en hulle met 'n verfbalgeweer geskiet.

Die taxibestuurder het na bewering roekeloos bestuur toe een van die drie beskuldigdes hom gedwing het om stil te hou. Die twee het toe begin stry. Die bestuurder het 'n oproep gemaak, waarna sy medebeskuldigdes op die toneel opgedaag het.

"'n Geveg het tussen die groep en die passasiers in die taxi ontstaan."

Die drie mans het teenaanklagte van saakbeskadiging en onsedelike aanranding aanhangig gemaak.

– Volg Nuus24 op Twitter

- SAPA