Drie dood toe bakkie rol
2013-01-01 12:55
Johannesburg – Drie mense is Dinsdag dood toe die bakkie waarin hulle op die M13 in Johannesburg gery het, verskeie kere gerol het, het paramedici gesê.
Die bestuurder van die bakkie het omstreeks 08:30 beheer oor die voertuig verloor en dit het 'n paar keer gerol voor dit tot stilstand gekom het, het Derrick Banks, woordvoerder vir ER24, gesê.
"Nooddienspersoneel het op die toneel opgedaag en op die bakkie afgekom, met die insittendes wat in die pad gelê het," het Banks gesê.
"Paramedici het die pasiënte ondersoek en gevind dat drie mense reeds aan hulle beserings beswyk het; hulle is op die toneel dood verklaar."
'n Ander insittende het baie ernstige beserings opgedoen, en is per helikopter na 'n hospitaal geneem.
Een ander pasiënt is na 'n hospitaal geneem met nek- en rugbeserings, en verskeie snyplekke, het hy bygevoeg.
"Dis nie duidelik wat veroorsaak het dat die bestuurder beheer verloor nie, maar die nodige owerhede was op die toneel en sal die [oorsaak van die] ongeluk ondersoek," het Banks gesê.
– Volg Nuus24 op Twitter.
- SAPA
