Drie beseer toe vragmotor omslaan
2010-09-07 11:44
Kaapstad - Drie mense is beseer toe ‘n swaar vragmotor Maandagoggend op die N3 tussen Harrismith en Warden omgeslaan het, het Netcare 911 gesê.
Met Netcare 911 se aankoms op die toneel het die vragmotor die vier bane van die snelweg versper.
Een persoon het ernstige beserings op gedoen, terwyl twee ander met ligte beserings weggekom het.
Die paramedici het die pasiënte op die toneel gestabiliseer, waarna hulle na die Harrismith provinsiale hospitaal geneem is vir verdere behandeling.
- Nuus24
Volg Nuus24 op Twitter
- SAPA