Drawwers: Beskuldigde kry R80 000 borgtog

2011-10-28 13:59

Pretoria – 'n Man wat daarvan beskuldig word dat hy dronkbestuur en vyf drawwers doodgery het, is Vrydag borgtog van R80 000 in die Pretoria-landdroshof toegestaan.

Sbusiso Langa (43) staan tereg op vyf aanklagte van moord, een van poging tot moord en een van dronkbestuur.

Een van sy borgtogvoorwaardes is dat hy nie mag bestuur terwyl hy op borgtog uit is nie.

Langa was na bewering dronk toe hy op 23 Oktober in 'n groep drawwers geploeg het. Die drawwers het geoefen vir die Soweto Marathon.

Vier mans en 'n vrou is dood. Nòg 'n man is in 'n kritieke toestand in die hospitaal.

– Volg Nuus24 op Twitter

- SAPA