Dominee sterf ná gru-aanval in pastoriehuis

2012-11-09 09:24

Bloemfontein – 'n Dominee van Harrismith en sy dogter se vriend is dood nadat hulle Donderdagaand in die pastoriehuis oorval is, het Volksblad berig.

Ds. Willem Brits, van die NG Kerkenberg op die dorp, en sy gesin oorval terwyl hulle glo TV gekyk het.

Brits se dogter se vriend wat by haar gekuier het, is op die toneel doodgeskiet.

Ds. Brits en sy vrou, Dorethia, is albei met 'n byl aangeval. Willem het Vrydagoggend in die Mediclinic Hoogland gesterf.

Dorethia is met erge kopbeserings na die Mediclinic Bloemfontein gebring.

Die egpaar se drie kinders, wat ten tyde van die voorval in die huis was, se hande is glo vasgebind.

Sover vasgestel kan word, is die kinders nie ernstig beseer nie.

Volgens inligting is een van die verdagtes reeds buite Harrismith op die N3-hoofweg vasgetrek.

Die verdagte het glo bloed op sy klere gehad en die egpaar se selfone is in sy besit gevind.

– Volg Nuus24 op Twitter