Dokters getuig in McBride-saak
2010-04-26 15:49
Pretoria – ‘n Ekhurhuleni-metropolisiebeampte is glo gevra om ‘n mediese sertifikaat vir Robert McBride te kry sonder dat ‘n dokter hom ondersoek het, het die streekhof in Pretoria Maandag gehoor.
Maxwell Mjamba, was ‘n superintendent in die metropolisie in 2007 toe hy gevra is om ‘n mediese sertifikaat te kry wat sal toon dat McBride nie dronk was tydens die ongeluk nie.
Volgens hom het McBride die sertifikaat nodig gehad vir ‘n beplande vergadering met die voormalige burgemeester, Duma Nkosi.
Mjamba, het getuig in McBride se dronkbestuursaak. McBride staan tereg op aanklag van bedrog, regsverydeling en dronkbestuur nadat hy in Desember 2006 in ‘n ongeluk betrokke was op die R511 naby Hartbeespoortdam.
Mjamba het Maandag in die hof getuig nadat drie dokters vertel het hoe hulle deur verskillende mense genader is om ‘n mediese sertifikaat vir McBride uit te skryf.
Die dokters is glo sowat ‘n maand na die voorval genader om die sertifikate uit te skryf sonder dat hulle McBride ondersoek het. Na bewering het al drie die dokters geweier en McBride verwys na die dokter wat hom kort na die ongeluk ondersoek het.
- Sapa
Volg Nuus24 op Twitter.