Dispuut oor Kaapse tolpaaie duur voort
2011-09-13 09:08
Kaapstad – Die aankondiging van 'n maatskappy om hoofweë in die Wes-Kaap in tolpaaie te verander, beteken nie die projek gaan voort nie, het die stad Kaapstad gesê.
"Ons glo steeds daar is 'n geleentheid om die kwessie op te los," het Brett Herron, burgemeesterskomiteelid vir vervoer, gesê.
"Ons sal steeds met die Suid-Afrikaanse Nasionale Padagentskap (Sanral) vergader in terme van die interregeringsdispuut-proses."
Die stad het in Augustus 'n dispuut met Sanral verklaar nadat alle pogings om met hulle te vergader, deur die mat geval het, het Herron gesê.
Die voorgestelde tolpaaie is vir die N1 en N2 tussen die stad en die Kaapse wynlanddistrik.
Sanral weier om die stad se bekommernisse te besprek en het aangedui dat hulle slegs bereid is om hul beleide en strategieë te bespreek.
Die padagentskap was nie onmiddellik beskikbaar vir kommentaar nie.
– Volg Nuus24 op Twitter
- SAPA